சதக்கத்துல்லாஹ் அப்பா கல்லூரியில் வாவு அறக்கட்டளைச் சொற்பொழிவு

காயல்பட்டினம் வாவு குடும்பத்தார் சதக்கத்துல்லாஹ் அப்பா கல்லூரியில் ஏற்படுத்தியுள்ள வாவு அறக்கட்டளையின் சார்பில்  20.12.14 காலை 11 மணியளவில் சொற்பொழிவினைத் தமிழ்த்துறை ஒருங்கிணைத்து நடத்தியது.

தமிழ்த்துறைத் தலைவர் முனைவர் ச.மகாதேவன் வரவேற்றுப் பேசினார்.கல்லூரித் தாளாளர் அல்ஹாஜ் த.இ.செ.பத்ஹூர் ரப்பானி தலைமையுரை ஆற்றினார்.கல்லூரி முதல்வர் முனைவர் மு.முகமது சாதிக் வாழ்த்துரை வழங்கினார்.

ஆட்சிக்குழு உறுப்பினர் அல்ஹாஜ் வாவு எஸ்.அப்துர் ரஹ்மான்,அல்ஹாஜ் வாவு எஸ்.ஏ.இஷாக்,பேராசிரியர் கா.முகம்மது பாருக்,பேராசிரியர் அ.ச.ராமையா ஆகியோர் முன்னிலை வகித்தனர்.

சென்னை மாநிலக் கல்லூரியின் மேனாள் தமிழ்த்துறைத்தலைவர் பேராசிரியர் முனைவர் மு.ஹம்ஸா சிறப்புவிருந்தனராய் பங்கேற்று “காவிய நாயகர் குத்பு நாயகம் அப்துல்காதர் ஜெய்லானி(ரஹ்)” எனும் தலைப்பில் சிறப்புச் சொற்பொழிவாற்றினார்.

தமிழ்த்துறை இணைப்பேராசிரியர் அ.மு.அயுப்கான் நன்றிகூறினார்.

நிகழ்வுக்கான ஏற்பாடுகளைத் தமிழ்த்துறை செய்திருந்தது.

தூய சவேரியார் கல்லூரியில் அமரர் A.L. சுப்பிரமணியன் அறக்கட்டளைச் சொற்பொழிவு : முனைவர் ச.மகாதேவன்

பாளையங்கோட்டை தூய சவேரியார் கல்லூரி என்னை உருவாக்கிய கல்லூரி.

என் திறன்களுக்கு வாய்பளித்து வளர்தெடுத்துத் தேசியவிருது பெறவைத்த கல்லூரி.

நேற்று அறக்கட்டளைச் சொற்பொழிவாற்ற அழைப்பு..பழைய நினைவுகளின் படிக்கட்டுகளாய் அந்தக் கம்பீர லெபோக் கலையரங்கம்,கௌசானல் அரங்கம்,பரந்த விளையாட்டு மைதானம், அருமையான நூலகம்,வாளகம் முழுக்கத் தன்நம்பிக்கை நிறைந்த நல்ல வாசகங்கள்..

1992-1998 வரை பயின்ற நாட்கள் நினைவில் ஓடின.திருநெல்வேலி மாநகரின் முன்னாள் மேயரும் சேவியர் கல்லூரியின் முன்னாள் மாணவருமான திரு.ஏ.எல்.சுப்பிரமணியன் நினைவு அறக்கட்டளைச் சொற்பொழிவை ஒருமணிநேரம் ஆற்றினேன்.

சவேரியார் கல்லூரி முதல்வர் அருட்தந்தை கில்பர்ட் கெமில்லஸ் அவர்கள் நான் படிக்கும்போது எங்கள் ஆற்றுப்படுத்துநர்.

முழுமையாய் என் உரையைக் கேட்டார். “கண்டிக்கும் ஆசிரியர் கட்டாயம் கரையேற்றி விடுவார்” கல்லூரிச் சுற்றுச்சுவரில் அன்று எழுதப்பட்ட பொன்மொழி இன்றும் இருந்தது..வித்தியாசமாய் இருந்தது.

பாளை.சதக்கத்துல்லாஹ் அப்பா கல்லூரிப் பருவத்தேர்வு முடிவுகள்வெளியீடு

பாளை.சதக்கத்துல்லாஹ் அப்பா கல்லூரியில் நடந்து முடிந்த பருவத்தேர்வு (நவம்பர்2014) முடிவுகள் கல்லூரித் தேர்வாணையர் முனைவர் கே.சுப்பிரமணியன் அவர்களால் 13.12.2014 அன்று மதியம் 12 மணிக்கு வெளியிடப்பட்டது.

அம் முடிவுகளை மாணவ மாணவியர் www.sadakath.ac.in எனும் கல்லூரி இணையதளத்தில் பார்க்கலாம்.மறுமதிபீட்டிற்காக விண்ணப்பிப்பதற்கான கடைசிநாள் 19.12.2014.இத்தகவலைக் கல்லூரித் தேர்வாணையர் முனைவர் கே.சுப்பிரமணியன் அவர்கள் தெரிவித்துள்ளார்கள்.

  http://www.sadakath.ac.in/results.php